BogoSvet.Ru Православные молитвы
Молитвослов. На разную потребу. Евфимию Новгородскому. Молитва в борьбе с плотской страстью
Отче святителю Евфимие! Ты от юности Твоея Христа возлюбил еси, и благодатию Его укрепляем, вся плотская мудрования умертвил еси, чистым же житием и кротким нравом Господеви угодил еси, и по благодати Его на престоле святительства подвизаяся, явился еси, пастве Христове Великаго Новограда пастырь добрый, душу твою о стаде твоем полагаяй. Темже и по смерти твоей прослави тя Пастыреначальник Христос подаянием чудес, от тебя истекающих, образ добродетельнаго жития в тебе нам показуя. Темже и аз грешный и унылый, к раце мощей твоих припадая, молюся тебе усердно: даждь ми руку помощи, воздвигни мя молитвами твоими из глубины греховныя: се бо волнами страстей плотских и иными тьмочисленными житейскими треволнении обуреваюся. Буди убо мне многогрешному теплый ко Христу предстатель и молитвенник, да и аз, от потопления греховнаго избавлен, ко пристанищу непорочнаго жития благодатию Христовою достигну, и чистым житием прославлю Спасителя моего, кровию Своею мене искупившаго: и тако жития скончав, получу жизнь вечную во Царствии Небеснем, идеже славится Пречестное и Великолепое Имя Отца, и Сына, и Святаго Духа, ныне и присно и вовеки веков. Аминь
Молитвослов. На разную потребу. Мартиниану Кесарийскому. Молитва в борьбе с плотской страстью ДАЛЕЕ: Молитвослов. На разную потребу. Мартиниану Кесарийскому. Молитва в борьбе с плотской страстью
Молитвослов. На разную потребу. Фомаиде Египетской. Молитва в борьбе с плотской страстью НАЗАД: Молитвослов. На разную потребу. Фомаиде Египетской. Молитва в борьбе с плотской страстью
Молитвослов. На разную потребу. Содержание Молитвослов. На разную потребу. Содержание
Пожертвование сайту
© 2021 БогоСвет.Ру Священные книги мировых религий на разных языках
P.S. Все материалы защищены. При копировании текстов или фото, активная ссылка на сайт обязательна!
Top.Mail.Ru Statok.net
Помочь