BogoSvet.Ru Православные молитвы
Молитвослов. На разную потребу. Николаю Чудотворцу. Молитва заключенного
О, великий чудотворче и угодниче Христов, святителю отче Николае! Ты, скорый помощник еси и благостынный заступник всем призывающим тя, паче же сущим в смертных бедах. Таковыя чудеса милосердия ты являл еси во дни жития твоего. Егда же, по смерти твоей, предстал еси Престолу Божию, по сем никтоже может исчислити милостей твоих, аще бы и многи языки имел. Ты сохраняеши плавающия по водам; ты многия утопающия спасл еси. Ты храниши в пути, ихже застигоша ветры, великий снег, лютый мраз, множайший дождь. Ты соблюдаеши домы и имения от запаления злонамеренных человек и всеконечнаго сожжения. Ты защищаеши сущия в пути от нападения злодеев. Ты пособствуеши нищим и убогим, избавляяй их от крайняго уныния и грехопадения, нищеты ради. Ты заступаеши невинныя от оклеветаний и неправеднаго осуждения. Ты спасл еси от самыя смерти триех мужей, в темнице седящих, имже определено бе посечение мечем. Тако, тебе даровася от Бога великая благодать молитися за человеки и спасати сущия в беде! Еще же ты прославился еси твоею помощию людем между неверными агаряны. Мне ли токмо, злосчастному и бедствующему, не поможеши, аще и сам аз сей жребий уготовах себе? Заступи убо и мене от уныния и отчаяния, зле обстоящих мя. О, великий угодниче Николае! Ты сам претерпел еси заключение в темнице за святую веру и, яко ревностный пастырь Христов, сам познал еси, сколь тяжко лишение свободы и во узах пребывание. Коль многим, молящимся тебе во узах, ты помогл еси! Облегчи и мне, сидящему в темнице, сие злоключение. Даруй ми скоро видети конец темничнаго моего пребывания и получити свободу, - не ради продолжения грехов моих, но ради исправления моея жизни! Помолися усердно и о сем, еже избавитися ми вечныя темницы, да твоею помощию спасаемь, прославляю Бога, дивнаго во святых Своих, аминь
Молитвослов. На разную потребу. Фомаиде Египетской. Молитва в борьбе с плотской страстью ДАЛЕЕ: Молитвослов. На разную потребу. Фомаиде Египетской. Молитва в борьбе с плотской страстью
Молитвослов. На разную потребу. Ангелу Хранителю. Молитва заключенного НАЗАД: Молитвослов. На разную потребу. Ангелу Хранителю. Молитва заключенного
Молитвослов. На разную потребу. Содержание Молитвослов. На разную потребу. Содержание
Пожертвование сайту
© 2021 БогоСвет.Ру Священные книги мировых религий на разных языках
P.S. Все материалы защищены. При копировании текстов или фото, активная ссылка на сайт обязательна!
Top.Mail.Ru Statok.net
Помочь