BogoSvet.Ru Православные молитвы
Молитвослов. На разную потребу. Спасителю. Молитва на избавление от хульных помыслов
Господи! зриши ми скорбь, зриши мою беду, зриши и безстудие врага моего, яко люте и тяжце нападает на мя хульными помыслы, оскорбляя душу мою, опечаляя сердце мое, помрачая ум мой, и смущая совесть мою, егоже богохульнаго шептания и богомерзкаго во уме моем глаголания толико ненавижду, яко первее умрети хотел бых, неже сия на Тя благаго Бога моего помыслы хульные прияти, и сим соизволити, яже враг мой во уме моем вещает; но за слабость мою, тым противным и богохульным и богомерзким мыслем одолети, и от себе я отгнати не могу без Твоея, Боже мой, помощи: естество бо мое страстно, ум непостоянен, сила моя немощна, супостат же мой крепок, и сила его превосходит моя силы; и аще не бы Ты, Господь крепок и силен был в людех Своих, то кто доволен, цел сохранен быти от врага и человекоубийцы диавола? Тем припадаю Ти, о Всемилостивый и Премилосердый! не хотяй отчаяния моего, Создателю Боже! и молю всесильную Твою помощь, порази на главу стужающаго ми врага, блесни молнию, и раждени обышедшия мя супостаты, возсияй светлую в сердцы моем благодати Твоея зарю, да отбежит от мене темный облак хульных, находящих на мя мыслей, да в свете помощи Твоея узрю Тебе Христа моего, просвещающаго всякаго человека, да в свете лица Твоего пойду, и о имени Твоем возрадуюся во веки! Аминь
Молитвослов. На разную потребу. Спасителю. Молитва на избавление от хульных помыслов ДАЛЕЕ: Молитвослов. На разную потребу. Спасителю. Молитва на избавление от хульных помыслов
Молитвослов. На разную потребу. Спасителю. Молитва женщинам сделавшим аборты НАЗАД: Молитвослов. На разную потребу. Спасителю. Молитва женщинам сделавшим аборты
Молитвослов. На разную потребу. Содержание Молитвослов. На разную потребу. Содержание
Пожертвование сайту
© 2021 БогоСвет.Ру Священные книги мировых религий на разных языках
P.S. Все материалы защищены. При копировании текстов или фото, активная ссылка на сайт обязательна!
Top.Mail.Ru Statok.net
Помочь