BogoSvet.Ru Православные молитвы
Молитвослов. Учеба, Работа. Иоанну Богослову. Молитва о научении иконописанию
О великий апостоле, евангелисте громогласный, Богослове изящнейший, тайновидче неизреченных откровений, девственниче и возлюбленный наперсниче Христов Иоанне! Приими нас, грешных, под твое сильное заступление прибегающих. Испроси у Всещедраго Человеколюбца Христа Бога нашего, Иже пред очесы твоими Кровь Свою за ны, непотребныя рабы Своя, излиял есть, да не помянет беззаконий наших, но да помилует нас и сотворит с нами по милости Своей: да дарует нам здравие душевное и телесное, всякое благоденствие и изобилие, наставляя нас обращати оная во славу Его, Творца, Спасителя и Бога нашего, по кончине же временныя жизни нашея от немилосердных истязателей на воздушных мытарствах да избавит нас, и тако да достигнем, тобою водимии и покрываемии, Горняго онаго Иерусалима, егоже славу ты во откровении зрел еси, ныне же нескончаемыя радости наслаждаешися. О великий Иоанне! Сохрани вся грады и страны христианския, храм сей, служащих и молящихся в нем, от глада, губительства, труса и потопа, огня и меча, нашествия иноплеменных и междоусобныя брани; избави нас от всякия беды и напасти и молитвами твоими отврати от нас праведный гнев Божий, и Его милосердие нам испроси, да вкупе с тобою сподобимся прославляти в невечернем дни Пресвятое имя Отца и Сына и Святаго Духа во веки веков. Аминь
Молитвослов. Учеба, Работа. Матроне Московской. Молитва на удачу в поиске работы ДАЛЕЕ: Молитвослов. Учеба, Работа. Матроне Московской. Молитва на удачу в поиске работы
Молитвослов. Учеба, Работа. Иоанну Богослову. Молитва о научении иконописанию НАЗАД: Молитвослов. Учеба, Работа. Иоанну Богослову. Молитва о научении иконописанию
Молитвослов. Учеба, Работа. Содержание Молитвослов. Учеба, Работа. Содержание
Пожертвование сайту
© 2021 БогоСвет.Ру Священные книги мировых религий на разных языках
P.S. Все материалы защищены. При копировании текстов или фото, активная ссылка на сайт обязательна!
Top.Mail.Ru Statok.net
Помочь