BogoSvet.Ru Православные молитвы
Молитвослов. Бытовые ситуации. Спасителю. Молитва на бездождие
Владыко Господи Иисусе Христе Боже наш, глаголом своим все от небытия преведый, перстень вземый от земли, и создавый человека, и душею словесною, и образом Твоим почтый того, и рекий: раститеся и множитеся, и наполняйте землю: даяй скотом пищу, и птенцем врановым: иже и в велицем и спасительном плотию пришествии Твоем, прежде убо седмию, потом же пятию хлебы, тысящи насытил еси многия: Сам Всеблагий Владыко, и Твоя люди сия призывающыя Пресвятое Твое имя, Твоею вседетельною, и великодарною десницею богатно препитай. Призри Господи, на убогия люди Твоя, отверзаяй руку Твою, и насыщаяй всякое животно благоволения, ущедри всех бо нас милостивно: Ты бо Владыко человеколюбче, един еси Отец всех нас, и к Тебе единому очи возводим, яко отдоеное на матерь свою: Твое есть слово Преблагий Владыко: просите, и дастся вам: ищите и обрящете. Подождь убо просящым ныне Владыко, с духовною пищею, и нуждную плоти, и препитай алчущыя Твоя люди, дожди временны, и благорастворение воздухов, и плодов различных изобилие земли даруй: в немощи и губительстве, и огневицы, и недузех различных бедствующих посети. Избави Господи, имя Твое призывающий сей град, и всякий град и страну, от глада, губительства, труса, потопа, огня, меча и убийства: даруяй нам милости Твоя, благодатию Безначального и Единосущного Твоего Отца, и Пресвятаго и Единочестнаго Твоего Духа: молитвами и моленьми Преблагословенныя Богородицы, Богоглаголивых Твоих Апостолов, и всех святых Твоих. Аминь
Молитвослов. Бытовые ситуации. Спасителю. Молитва на бездождие ДАЛЕЕ: Молитвослов. Бытовые ситуации. Спасителю. Молитва на бездождие
Молитвослов. Бытовые ситуации. Богородице. Молитва о плодородии земли пред иконою НАЗАД: Молитвослов. Бытовые ситуации. Богородице. Молитва о плодородии земли пред иконою "Спорительница хлебов"
Молитвослов. Бытовые ситуации. Содержание Молитвослов. Бытовые ситуации. Содержание
Пожертвование сайту
© 2021 БогоСвет.Ру Священные книги мировых религий на разных языках
P.S. Все материалы защищены. При копировании текстов или фото, активная ссылка на сайт обязательна!
Top.Mail.Ru Statok.net
Помочь