BogoSvet.Ru Православные молитвы
Молитвослов. Помощь, Защита. Модесту Иерусалимскому. Молитва о покровительстве пастухов и стад и о сохранении скота от болезней и падежа
О пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Модесте, предстоя у Престола всех Царя и наслаждаяся света единосущныя Троицы и херувимски со ангелы возглашая песнь трисвятую, великое же и неизследованное дерзновение имея ко всемилостивому Владыце, моли спастися паствы Христовы людем, благостояние святых церквей утверди: архиереи благолепием святительства украси, монашествующыя к подвигом добраго течения укрепи, царствующий град и вся грады и страны добре сохрани, и веру святую непорочну соблюсти умоли, мир весь предстательством твоим умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, пленных возврати, немощствующыя и молящияся тебе от всех напастей и бед ходатайством твоим свободи: моли о нас Всещедраго и Человеколюбиваго Христа Бога нашего, да и в день Страшнаго Пришествия Его от шуияго стояния избавит нас, и радости святых причастники сотворит со всеми святыми во веки веков. Аминь. Тропарь, глас 4: Преподобне пожив, Богомудре Модесте, и святительскою одеждою украшен, пастырю Иерусалима блаженнейший, в веселии ныне Христу предстоиши и концы озаряеши чудесы, помощник убо буди тя призывающим моляся, отче, о всех нас. Кондак, глас 3: Светлых подвигов твоих твердость и сострадание по всем богатство видя Всеблагий Подвигоположник Бог богатых дарований Своих сподоби тя, Модесте, славный Иерарше и чудотворче. Тем, молящиеся тебе, вопием: свобождай нас от лютых обстояний и недугом нашим подаждь исцеление. Величание святителю: Величаем тя, святителю отче Модесте, и чтим святую память твою: ты бо молиши за нас Христа Бога нашего
Молитвослов. Помощь, Защита. Георгию Победоносцу. Молитва о покровительстве пастухов и стад и о сохранении скота от болезней и падежа ДАЛЕЕ: Молитвослов. Помощь, Защита. Георгию Победоносцу. Молитва о покровительстве пастухов и стад и о сохранении скота от болезней и падежа
Молитвослов. Помощь, Защита. Косме и Дамиану. Молитва о покровительстве пастухов и стад и о сохранении скота от болезней и падежа НАЗАД: Молитвослов. Помощь, Защита. Косме и Дамиану. Молитва о покровительстве пастухов и стад и о сохранении скота от болезней и падежа
Молитвослов. Помощь, Защита. Содержание Молитвослов. Помощь, Защита. Содержание
Пожертвование сайту
© 2021 БогоСвет.Ру Священные книги мировых религий на разных языках
P.S. Все материалы защищены. При копировании текстов или фото, активная ссылка на сайт обязательна!
Top.Mail.Ru Statok.net
Помочь