BogoSvet.Ru Православные молитвы
Молитвослов. Помощь, Защита. Роману Сладкопевцу. Молитва о покровительстве певчих, о помощи в духовном пении и чтении
О священная главо, преподобне отче, преблаженне авво Романе, не забуди убогих твоих до конца, но поминай нас всегда во святых и благоприятных молитвах к Богу: помяни стадо твое, еже сам упасл еси, и не забуди посещати чад твоих моли за ны, отче священный, за дети твоя духовныя, яко имеяй дерзновение к Небесному Царю: не премолчи за ны ко Господу, и не презри нас, верою и любовию чтущих тя: поминай нас недостойных у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребываеши, не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у престола Вседержителева предстоящи, достойно веселится, ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу: Ему же подобает всякая слава, честь и поклонение, со Безначальным Его Отцем, и с Пресвятым и Благим и Животворящим Его Духом, ныне и присно, и во веки веков. Аминь. Тропарь преподобному, глас 8: В тебе, отче, известно спасеся еже по образу приим бо крест последовал еси Христу, и дея учил еси презирати убо плоть, приходит бо: прилежати же о души, вещи безсмертней: тем же и со Ангелы срадуется, преподобне Романе, дух твой. Кондак, глас 8: Божественными добродетельми духа измлада украсився. Романе, премудре, Церкви Христово пречестное украшение был еси: пением бо прекрасным украсив ю, блаженне. Тем молим тя: подаждь желающим Божественнаго дарования твоего, яко да вопием ти: радуйся, отче преблаженне, красото церковная. Величание преподобному: Ублажаем тя, преподобне отче Романе, и чтем святую память твою, наставниче монахов и собеседниче Ангелов
Молитвослов. Помощь, Защита. Богородице. Молитва Пресвятой Богородице ДАЛЕЕ: Молитвослов. Помощь, Защита. Богородице. Молитва Пресвятой Богородице
Молитвослов. Помощь, Защита. Власию Севастийскому. Молитва о покровительстве пастухов и стад и о сохранении скота от болезней и падежа НАЗАД: Молитвослов. Помощь, Защита. Власию Севастийскому. Молитва о покровительстве пастухов и стад и о сохранении скота от болезней и падежа
Молитвослов. Помощь, Защита. Содержание Молитвослов. Помощь, Защита. Содержание
Пожертвование сайту
© 2021 БогоСвет.Ру Священные книги мировых религий на разных языках
P.S. Все материалы защищены. При копировании текстов или фото, активная ссылка на сайт обязательна!
Top.Mail.Ru Statok.net
Помочь