BogoSvet.Ru Православные молитвы
Молитвослов. Душевное равновесие. Николаю Чудотворцу. Молитва в грусти и унынии
О добрый наш пастырю и богомудрый наставниче, святителю Христов Николае! Услыши нас грешных, молящихся тебе и призывающих в помощь скорое предстательство твое; виждь нас немощных, отвсюду уловляемых, всякаго блага лишенных и умом от малодушия помраченных; потщися, угодниче Божий, не оставити нас в греховнем плену быти, да не будем в радость врагом нашим и не умрем в лукавых деяниих наших. Моли о нас недостойных Содетеля нашего и Владыку, ему же ты со безплотными лики предстоиши: милостива к нам сотвори Бога нашего в нынешнем житии и в будущем веце, да не воздаст нам по делом нашим и по нечистоте сердец наших, но по своей благости воздаст нам. На твое бо ходатайство уповающе, твоим предстательством хвалимся, твое заступление на помощь призываем, и ко пресвятому образу твоему припадающе, помощи просим: избави нас, угодниче Христов, от зол находящих на нас, и укроти волны страстей и бед возстающих на нас, да ради святых твоих молитв не обымет нас напасть и не погрязнем в пучине греховней и в тине страстей наших. Моли, святителю Христов Николае, Христа Бога нашего, да подаст нам мирное житие и оставление грехов, душам же нашим спасение и велию милость, ныне и присно и во веки веков
Молитвослов. Душевное равновесие. Великомученице Варваре. Молитва в грусти и унынии ДАЛЕЕ: Молитвослов. Душевное равновесие. Великомученице Варваре. Молитва в грусти и унынии
Молитвослов. Душевное равновесие. Николаю Чудотворцу. Молитва в грусти и унынии НАЗАД: Молитвослов. Душевное равновесие. Николаю Чудотворцу. Молитва в грусти и унынии
Молитвослов. Душевное равновесие. Содержание Молитвослов. Душевное равновесие. Содержание
Пожертвование сайту
© 2021 БогоСвет.Ру Священные книги мировых религий на разных языках
P.S. Все материалы защищены. При копировании текстов или фото, активная ссылка на сайт обязательна!
Top.Mail.Ru Statok.net
Помочь